مصر كسبت يا ناااااااااااس

طبعا ما قدرتش اكتب امبارح لانى كنت راجع من بره مدغدغ والسبب الاحتفال اللى كنا عاملينه بمناسبه مكسب مصر بجد حاجه تفرح وشوش الناس الفرحانه الناس عايز تهيص وخلاص اللى ليه فى الكوره واللى مالوش كان فى الشارع وكله كان بيقول مصر ونهيص ونفرح كان فعلا يوم تححححححححفه والناس بتصور وكل خطوتين شله واقفه تشجع وتهييص والاعلام فى كل مكااااااان العربيات والموتسيكلات كل حاجه مليانه بجد الواحد كان فرحان جدا

يا رب دايما

يالا سلام

baaaaaaaaaaaaack

وحشششششششششششششششششانى يا بلوج بجد اسف ليكى بقالى كتير سايبك كده بس هنعمل ايه مشغول وقرفان ومخنوق ومشاكل وبنى ادمين ترفع الضغط وفقع مراره وخروج وسفر وهزار وضحك وحاجات كتير اوى اوى خلتنى مش فاكر حتى انى انا عندى بلوج بس انا رجعت تاااااااااانى وهكتب بقى وكده وعشان كده انا كنت عايز اقول ان الاجازه دى اول اجازه استغلها صح بجد وحاسس انى عملت حاجه شويه طبعا يا بلوج يا حبيبتى انتى عارفه اجازه الصيف كانت عامله ازاى ما عرفتش اعمل فيها حاجه خلاص بقى انتى هتصيحى عليا المهم ان انا استفدت من الاجازه ومش عايز حد يعرف استفدت فى ايه اه هى غتاته وخلاص حد له عندى حاجه بس والله وحشانى وادينى جبت اهو كفايه رغى كده سلام بقى

احزانى

جلست فى غرفتى يعترينى شعور صعب غريب لم اجد له تعريف فى رأسى ولكنه شعور قاتل صعب مرير ومؤلم سأمت من حاسوبى مللت لغات البرمجه مللت برامج التصميم مللت من الالعاب حاولت ان اكتب احزانى ربما يخففهاولكنى يدى ارتعشت بشده ولكنى اصررت على انى اكتب ولكن لم استطع احكام يدى على قلمى قررت الوقوف فى نافذه غرفتى حتى اتنفس بعض الهواء ليريحنى حاولت ان احدث نفسى بهمومى بصوت مسموع لعل هذا يخفف من المى ولكن صوتى لم يخرج منى صدمت من هذا حاولت ان اصرخ خرج منى صوت ضئيل نحيف وصل الى اذنى بشق الانفس صوت ضعيف هزيل التفت لادخل الى الغرفه مره اخرى لاطلب مساعده احدهم واذا بأذنى تسمع صوت صافره مزعجه كتلك التى اسمعها فى محطه الراديو حين يتلف الارسال ولكنها كانت جويه ولا تأتى من الخارج لكنها من داخل اذنى ولما نظرت الى محتويات الغرفه من حولى فإذا كلها يعلوها السواد كلها تحلوت الى مسوخ واشباح سوادء خلعت عنى نظارتى لانظفها علها هى السبب ولكن دون جدوى ليست النظاره هى السبب هذه حقيقه انى ارى ما حولى هكذا فعلا حاولت ان ابكى من شدة ما انا فيه ولكن محاولتى لانزال دموعى كانت اصعب من دفع جدار من الطوب ولم استطيع حتى ان ابكى
انهارت ووقعت على الارض
سمعت دقات قلبى من خلال تلك الصافره بصعوبه فقلت فى عقلى لما لازلت تعمل لما لازلت تنبض وانت يا عقلى ايها المتحدث لما انت ايضا تعمل لما تفكر وارتفع صوت ندائى فى عقلى واذا بصوتى ينطلق بعلو شديد ومدوى مردد نفس الكلمات لم لازلت تفكر لما…. عندها توقفت رعشه يدى و وصل صوتى العالى الى اذنى ليزيل تلك الصافره اللعينه عن اذنى واذا بالدمع يندفع ينهمر من عيونى ويتساقط كما يتساقط الماء من دورق مثقوب فغسل عن عينى ما كان بها من غشاوه ورأيت الاشياء على طبيعتها مره اخرى هنا اصدرت تنهيده طويله عاليه اعقبها نحيب وااها وانطلقت احزانى من
قلبى الى عنان السماء

مين اللى طفى النور

انا فاكر كده على قد ما ذاكرتى جايبه انى كنت نجم ومش ببطل هزار ولا حركه وكنت مصدر ازعاج فى الدفعه

وانسان كلامه كتير ومش ببطل رغى ولا ضحك فى اى موقف

وعلى ما اتذكر كمان ان وشى كان مليان وكتافى عريضه هى لسه كده بس مش اوى

وكنت جته زى ما بيقولوا

بس لما ببص فى المرايه دلوقتى بلاقى حاجات غريبه وشى اصفر وجسمى خس وما بقتش جته ولا صحتى جامده زى الاول

اما عن الهزار والكلام طبعا فحدث ولا جرج الهزار بقى مش زى الاول وكلامى قل

وبقيت كئيب تخيلوا واحد يتحول من الحاله دى للحاله دى تعرفوا ايه السبب

غدر البنى ادمين لانهم اثبتوا انهم غدارين اكتر من اى مخلوق خلقه ربنا

وعارفين ايه كمان الكذب اللى بقى ماركه مسجله وانا اكتر حاجه توجعنى الكذب وبناء عليه اتوجعت لحد ما دبت وقربت اختفى خايف ما ارجعش زى الاول بطلوا غدر وكدب بقى خلوا الحياه تنضف عيب علينا اللى بنعمله فى بعض ده

سلام

السلام عليكم

كنت ماشى او قاعد مع نفسى كده فى يوم ف  فكرت ووصلت لجمله او تعبير عجبنى اوى بيوقلك لو دورت على مبرراات مع او ضد هتلاقى كتير اوى

يعنى انت لو فكرت فى مبررات عشان تسامح حد هتلاقى الاف المبررات انه يعمل فعلته

ولو فكرت فى مبررات عشان تقول انه غلطان هتلاقى برضه الاف المبررات

شوف اى حد هيقرا الموضوع هيقول عليا اهبل بس فكر حبه هتلاقيها كده فعلا

طب ركز شويه لو صاحبك قل ادبه عليك لو انت عايز تبرر انك زعلان هتقول لا ازى يقولى كده وانا صاحبه

انما لو انت بتحبه هتلتمسله العذر ومعلش نفسيته تعبانه وحالته مش حلوه خليها عليا المره دى

واحد هيوقلى لخبطنى يعنى ابقى معاه ولا ضده اقولك انا

 ما تفكرش كتير لان لو عاطفتك غلبتك فى اى اتجاه من الاتنين مش هتخلص

يبقى تفكر على قد الموقف وكمان تاخد بظاهر الامور وبلاش تألف وتزود على الامور امور

ويلا سلام

الضعف

الضعف

سمه نولد بها وتظل معنا

اما ان تموت بها او تموت بسببها او تموت بدونها

ان لم تقتلها قتلتك لا تعطى لها ظهرك لانها صفه غادره

فى بعض الاحيان تؤدى الى ان تفقد(كرامتك-حياتك-كبريائك-احترامك-مكانتك-…………)واكثر من هذا

كلما قلت لن تعود تعود بسببها

كلما تقدمت للامام اخذتك هى للخلف

اياك ان تقع فريسه سهله لها

كلنا نقول اننا اقوياء ولكن كلنا نكذب لانها فى داخلنا

اياك ان تجعل خصمك يراها فيك

الحب

الحب

احمق ما يمكن ان تفعله وهو ايضا احمق ما لا تفعله

فلا تعرف هل تحب ام لا وتلدغ منه مره وتجربه اخرى ولا تتعلم

مركب يوضع فيها اتنين ان لم يكونوا بالقدره على تحدى الامواج فان المركب تغرق وان كان احدهم يجيد السباحه فالاخر يغرق لانه فيها لا يمكنك انقاذه

يجرح ويداوى فى نفس الوقت

مثله مثل مكان مسمار فى جدار لا يمكن ازاله اثره الا اذا وضع مسمار اخر فى نفس المكان ليدارى الثقب

من يحب لا يكره 

الصراحه ان لم تكن من مبادئه فسد

الشك الوسواس الذى يقتل حلاوته

الغيره النار التى تشعله واحيانا تحرقه

التضحيه اسمى ما يمكن ان يحث فيه

الفراق اقسى ما فيه

واقول فى النهايه الكلمه الخالده

الحب اعمى 

الانسان

الانسان ارخص سلعه موجوده دلوقتى وكتير اوى وموجود فى كل حته اه وفى كمان حاجات عليها اوكازيون عندكوا الحب والتسامح والصدق يعنى ممكن تشترى انسان وعليه الحاجات دى هديه وكمان فى ديلفرى اما بالنسبه للحاجات اللى اسعرها عاليه اليويمن دول فهى الكدب والغش واى اخلاق منيله هتلاقيها غاليه ورغم ذلك متوفره والناس مقبله عليها بغزاره يلا انا رايح بقى اشترى حبه خبث اصل عم عبده قرب يقفل

BODO

الاكتئاااااااب كلمه كبيره مش كده بس للاسف تقريبا معظمنا مر بيها خلونى اتكلم عن نفسى انا السنه دى مريت ببتاع 20 حاله اكتئاب لاسباب كتير خدوا عندكوا اخر مره اللى انا فيها زعلت حد غالى عليا اوى بحركه هايفه وما تستهالش الزعل بس توقيتها جه غلط والانسان ده كمان بنى استنتجات كبيره اوى اوى على الموقف ده انا صحيح غلطان بس اقولكوا على حاجه انا شبه مستهلك يعنى مره كمان اكتئاب ومش عارف هضحك تانى ازاى وادينى مسافر الاسكندريه لعلى وعسى افك حبه